Rechterlijk Archief Schoutambt Hardenberg, Toeg. 0055.2.1, inv.nr. 01, blz. 001-002
1542-06-??
...welck vursc. penningen ende rog hebben Jan an syck genympt te betalen sunder hinder ende scaden dair mede op te lopen ende Ingevalle de betaling niet gesciede mach Juffer Anna vursc. ofte hor momber de vursc. summe verhalen an heren Jan ende belavede te stane als eyn ander huysssumme ende scotbert man so dat hy dair mz in geneten sal mogen enige presterscup ende anders dan by myssdruck der betalinge syne eygen panden laten volgen alss behort
Hyr ende tegen heft genompte Jan Mastes Lubbe vursc. den sulven Heren Han weder to onderpande gesath de vurgenompte drie koen gelyckerwyss off sye syne egen to behorden tot vurhalinge syne  belaffden pennongen ende Ingevalle inden biesteren vurgerort einge scellinge quemen by ongeluck off anders sal nochtantz hem nez off gain dan Jan Lubbe vursc. ende sal dan enen wal ander biesten weder wtnemen ende kiesen mogen meder? sulver gestalt op dat hy onbedrogen blyve dit sulve hest here Jan vurhen also gerustlicken overgegeven ende des heft hem Jan Lubbe vursc. de sulve koen ende vort alle syn guet weder gerustlicken to borge gestalt als behort
Up sonendach post baptista Anno 1542 Richter BB Kornoten Roloff Blanckvordt ende Bernt Janss
Upden sulven dach erscheen int gerichte Lubbert Hermenss Kuper wonende to Deventer ende heft gerichtlicken overgegeven ende over gaff Derck Loveling to Reedze ende synen erffg. alss danen huyss tylbert ende anders allent niet wtgesundert alss Bernt Vryling anders Hackert nu ter tyt heft oft oick affterlaten mach dair Lubbert vursc. na dode Bernts vursc. an verervet ende dorch moetsone te gesceiden wass ende dat dorch orsake so Bernt vursc. eyn olt man is ende sich niet nehelpen kan hest Derck vursc. synen ohem Bernt to huyss gehaelt ende sal hem dair voir becostigen becleden ende geval dain als behort ende sadelicken (zedelijk) is ende na dode Berntz ende nu
2.
van stunden an mach Derck vursc. tsalve guedt verlaten ende word na synen gelieven onbecront van yemande voirbeholden dat kampken gelegen to Baler mach Derck vursc. de opkumsten geneten dair Jairlicx affcumpst der wyle syn ohem lijvet (leuk leeft komt van lijvet) ende levet ende m\niet langer, want dan des weder comen sal op Lubbert vursc. off syne erfg. ende niet op Derck vursc. Sunder argelist.